Wednesday, January 18, 2012

ޑިސްސޯޝިއޭޓިވް އައިޑެންޓިޓީ ޑިސްއޯރޑަރ


ޑިސްސޯޝިއޭޓިވް އައިޑެންޓިޓީ ޑިސްއޯރޑަރ އަކީ މަދުންނަމަވެސް އިންސާނުންނަށްޖެހޭ ނަފްސާނީ ބައްޔެކެވެ. މިބައްޔަށްކިޔާއުޅޭ އަނެއްނަމަކީ "މަލްޓިޕަލް ޕާރސަނަލިޓީ ޑިސްއޯޑަރ'' އެވެ. މިބަލި އެންމެ އާންމުކަމަށްބެލެވެނީ އެމެރިކާގައެވެ.

މިއީ ވަރަށް އާދަޔާޚިލާފު ބައްޔެކެވެ. ބަލިޖެހިފައި ހުންނަމީހާގެ އެކަކަށްވުރެ ގިނަ "އައިޑެންޓިޓީސް" ހުންނާނެއެވެ. އޭނާގެ ހަށިގަނޑުތެރޭގައި އެހެން މީހުންތަކެއް ދިރިއުޅޭފަދައެވެ. މިއިން ކޮންމެ އައިޑެންޓިޓީއެއްގައި ހުންނާނީ ތަފާތުވިސްނުންތަކާއި، ޚިޔާލުތަކެވެ. އަދި ތަފާތު ކަންކަމުގެ ހަނދާންތަކެވެ. މިބަލިޖެހިފައި ހުންނަމީހާގެ ހަށިގަނޑު ބައެއްފަހަރު ކޮންޓްރޯލްކުރަނީ މިއިން ކޮންމެވެސް އައިޑެންޓިޓީއެކެވެ. އަދި މިމުއްދަތުތެރޭގައި ބަލިމީހާގެ އެއްވެސް ހަނދާނެއް ނުހުންނާނެއެވެ.

ބަލީގެ ޢަލާމާތްތައް:-

· އެއްވެސް ގުޅުމެއްނެތް ފުށުއެރުން ގިނަކަންތައްތައް ކުރުމާއި، އެފަދަ ވާހަކަދެއްކުން.

· ބުނެދޭން ނޭނގޭ ގޮތަކަށް ބޮލުގައިރިހުން.

· ވަގުތުއޮޅުން. (މިސާލަކަށް ހަވީރަކީ ހެނދުނުކަމަށް ހީކުރުން)

· އެމީހާގެ އާންމުމިޒާޖު ބަދަލުވުން.

· އާދަޔާޚިލާފަށް ހަނދާން ބަލިވުމާއި ހަނދާންނެތުން.

· އެއްވެސް ސަބަބަކާނުލައި އާދަޔާޚިލާފަށް މާޔޫސްވުން.

· ކުރިންއޭނައަށް ދިމާވެފައިނުވާކަންތަކެއް (ވެފައިވާކަމެއްކަމަށް) ހަނދާނަށްއައުން

· އެއްވެސް ސަބަބަކާނުލައި ރުޅިއައުން.

· އެއްވެސް ސަބަބަކާނުލައި ގިނަގިނައިން ހާސްވުން.

· ކަންތަކާމެދު އާދަޔާޚިލާފަށް ޝައްކާއި ކުށްހީކޮށް ބިރުގަތުން.

މިނޫންވެސް ވަރަށްގިނަ ޢަލާމާތްތައް ވެއެވެ.

ބަލިޖެހުމުގެ ސަބަބުތައް:-

ބަލިޖެހޭ ސަބަބެއްކަމަށް ލަފާކުރެވެނީ ކުޑައިރުލިބިފައިވާ އަނިޔާއަކާގުޅިގެން ލިބޭ ނަފްސާނީގެއްލުމެވެ. މިބަލިޖެހިފައިވާމީހުންގެ ތެރެއިން %94 މީހުންނަކީ ކުޑައިރު ކޮންމެވެސް ގޮތަކަށް ނަހަމަގޮތަކަށް މުޢާމަލާތްކުރެވިފައި(އެބިއުސް) ތިބޭމީހުންނެވެ. ޚާއްސަކޮށް ކުޑައިރު ޖިންސީއަނިޔާލިބިފައިވާ މީހުންނަށް މިބަލިޖެހުމުގެ ފުރުސަތުބޮޑެވެ.

ބަލިޖެހޭގޮތްތައް/ މަރުޙަލާތައް:-

1. ކުޑަކުއްޖާއާ ގާތް ބޮޑުމީހެއްގެފަރާތުން އަނިޔާލިބުން. (މަންމަ، ބައްޕަ ނުވަތަ އެހެންވެސް ބެލެނިވެރިއެއް) ލިބުނު ގެއްލުމުގެ ބޮޑުކަމުން އެކަމުގެ ހަނދާންތައް އެހެން ހަނދާންތަކާ މުޅިންވަކިވެ ވިސްނުމުގެ އަޑިއަށްލެވިފޮރުވުން. (ސަބްކޮންޝަސް ތެރެއަށް)

2. ފޮރުވިފައިއެވާ ހަނދާންތައް އަހަރުތަކަކަށްފަހު ސަބްކޮންޝަސް އިން ނިކުތުން. އެހެން އައިޑެންޓިޓީއެއް ނުވަތަ ވިސްނުމެއްގެގޮތުގައި.

3. އެއް އައިޑެންޓިޓީއެއް ނިކުތުމުގެ ސަބަބުން އެހެން އައިޑެންޓިޓީއެއް ނިކުތުން. ބައެއްފަހަރު މިފަދަ އައިޑެންޓިޓީ ބަލިޖެހިފައިވާމީހާގެ ހަށިގަނޑުގެ ކޮންޓްރޯލްއަތުލައި އެމީހާ ލައްވައި މީހުންނަށް އަނިޔާކުރުމާއި މެރުންފަދަ ކަންތައްކުރުވައެވެ.

4. ހިތްހަމަނުޖެހޭފަދަ ކަމެއްދިމާވާއިރަށް އެއްކަލަ އުފެދުނު އައިޑެންޓިޓީ ދިގުމުއްދަތަކަށް ބަލިމީހާގެ ހަށިގަނޑުގެ ކޮންޓްރޯލުއަތުލުން.

ފަރުވާ:-

"މަލްޓިޕަލް ޕާރސަނަލިޓީ ޑިސްއޯޑަރ (MPD)'' އަށް ދެވޭފަރުވާ ގިނަފަހަރަށް ކާމިޔާބެއް ނުވެއެވެ. ނަމަވެސް ފަރުވާދޭފަރާތްތަކުން ސައިކޯތެރަޕީ ފަދަ ގޮތްތައް ބޭނުންކޮށްގެން ބަލިޖެހިފައިވާ މީހާގެ އިތުރު އައިޑެންޓިޓީތައް އެކަކަށް ހެދޭތޯ މަސައްކަތްކުރެއެވެ.

.އެކަނިވެރިއަކީމެވެ




ހަނދާން ހުންނަންފެށީއްސުރެ ވެސް އަހަރެން އުޅެ ބޮޑުވެފައިވަނީ ވަރަށް އަބުއި މާޙައުލެއްގައެވެ. ރަށުތެރެއަށް ނިކުމެ އުޅެވޭނީ މަންމަ ނުވަތަ ބައްޕައާއެކުގައެވެ.ރަށުގެ މަގުމަތީގަޔާއި އަތިރިމަތީގައި އުޅޭކުދީންނާ ވާހަކަ ދެއްކުމަކީ ބޮޑު ކުށެކެވެ. ދަސްވެފައިވާ ގޮތުން އެފަދަ ކުދީންނަކީ "ވަކަރުގޭ ކުދިންނެވެ." ގެއަށް ވަދެ ނިކުމެ އުޅުއްވާނީ ރަށުގެ ބޮޑުންނާއި އަތޮޅުގެ އިސް ވެރީންނާއި ސަރުކާރުގެ އިސް ބޭބޭފުޅުންނެވެ. އެހެންކަމުން ގާތްތިމާގެ މީސްމީހުންގެ ގޮތުގައިވެސް ފެނިފައިވަނީ އެމީހުންނެވެ.
ޒަމާނުއްސުރެ ރަށުގެ ވެރިކަން ވާރުތަވަމުން އައި ކިލަގެ ޢާއިލާ ޗޭނުގެ އެންމެހައި ބޮޅުތައް ފަނާވެ ނެތިގޮސް އޭގެ އެންމެ ފަހު ބޮޅުކަމުގައި ބައްޕަ ވެފައިވީކަމުގައިވިޔަސް މަންމަގެ ޢާއިލާ އަކީ ފުޅާ،ބޮޑު ޢާއިލާއެކެވެ.މަންމައާ އެއްބަނޑު އެއްބަފާ ހަތަރު ބެއިންނާ ހަ ބޫނުން ތިބިއިރު މި ދިހަ ވެރިން މިހާރުވަނީ ބާރަގުނައަށް އިތުރުވެ ދެމިގެން ގޮސްފައެވެ.
ހޭލުންތެރިކަން ކުޑަކަމާއި ތަދުމަޑުކަމާއި ފަޤީރުކަމުގެ ތެރެއަށް އިތުރުވެފައިވާ މި އާބާދިގެވިޔާނުދާ ގޯސް އުޅުމުގެ ސަބަބުން މަންމަ ލަދުގަންނާތީއާއި އަހަރެންގެ ތަރުބިއްޔަތާ ބީރަައްޓިހި މިއުޅުމުގެ އަސަރު އަހަންނަށް ކޮށްފާނެތީ މަންމަ ވަނީ މަންމަގެ ޢާއިލާ މީހުންނާ ގުޅުން ކަނޑާލާފައެވެ. ައހަރެންގެ އުމުރުން ބާރަ އަހަރަށް އެޅިތަނާ، ރަށުގައި ބައްޕަ އެކަނިވީކަމުގައިވިޔަސް މަންމަޔާއެކު މާލެ ފޮނުވުމުގެ އެންމެ މައިގަނޑު ސަބަބަކީވެސް މަންމަގެ ޢާއިލާގައި އެތިބަ ވިޔާނުދާ ކުދިންގެ ކިބައިން އަހރެން ސަލާމަތް ކުރުމެވެ.
ތަޢުލީމީގޮތުން ފުންނާބު އުސްަ، ޢިއްޒަތާއި ޤަދަރުވެރިކަމުގެ ތަރުބިއްޔަތުން ތަރުބިއްޔަތު ލިބިފައިވާ ދަރިއަކަށް ހެދުމަށްޓަކައި މަންމަައާއި ބައްޕަ ކުރަމުން އައި ބުރަ މަސައްކަތުގެ އަގު އަދާކޮށް ދިނުމަށް ކުރެވުނުހާ މަސައްކަތެއް ކުރީމެވެ. ނަތީޖާއަކަށްވީ ގުރޭޑު 12 ނިންމި ދަރިވަރުންގެ ތެރެއިން އެންމެ ރަނގަޅު ނަތީޖާ ހޯދި ދަރިވަރުކަމުގައި ވުމެވެ. އެހެންކަމުން ދާދި އަވަހަށް، އެންމެ ކިޔަވާހިތްވި ދާއިރާއިން ކިޔެވުމުގެ ފުރުޞަތު އޮސްޓްރޭލިޔާ ގެ ޔުނިވާރސިޓީ އޮފް ކުއީންސްލޭންޑުން ލިބުނެވެ. ޕޮލިޓިކަލް ސައިންސުގެ ރޮގުން ޕީ.އެޗް.ޑީ ޙާޞިލު ކުރުމަށްފަހު އެނބުރި ރާއްޖެ އައީ އެއަށްވުރެ ފަޚުރުވެރި ކާމިޔާބީއަކާވެސް އެކުގައެވެ. އާދެ،ސިޔާސީ ރޮނގުން މަގު ދައްކައިދޭނޭ ޙަޔާތުގެ ބައިވެރިއެއްވެސް ގޮވައިގެންނެވެ. ދިވެހި ސިޔާސީ ޖައްވުގައި އެންމެ އަލިގަދަކޮށް ފިޔަ ޖަހާނޭ ތަރިިއަކަށް ވުމުގެ ފޮނިި އުއްމީދުގައި ރާއްޖެ އައިސް މާލޭގައި ދިރި އުޅެން ފެށީމެވެ. ސަރު ކާރަށް ވަދެ މަސައްކަތް ކުރަން ފެށުމުން ސަރުކާރުގެ އިސްވެރިންގެ މަޤުބޫލުކަން ނިހާޔަތަށް ލިބިގެނދިޔައެވެ. އެހެންކަމުން މަޤާމުގެ ކުރި އެރުންވެސް ލިބިގެން ދިޔައީ ނުހަނު ހަލުވިކޮށެވެ.
ސިޔާސީ ވާދަވެރިކަމުގެ ތެރެއިން ރައިއްޔަތުންގެ މަޖުލިހުގެ ރަށު ދާއިރާއަށް ކުރިމަތިލީ، ދާއިރާއަށް ކުރިމަތިލީ މީހުންގެ ތެރެއިން ހޮވޭނެކަމާމެދު ކުޑަވެސް ޝައްކެއް ނެތިއެވެ. ސަބަބަކީ އިންތިޚާބުގައި ދެން ވާދަކުރި އެކަކީވެސް ތަޢުލީމީ ގޮތުންނާއި މަޤާމުގެގޮތުން، ޙަސަބާއި ނަސަބުގެ ގޮތުން.ައދި ކިއެއްތަ ހައިބަތާއިރިވެތިކަމުގެ ގޮތުންބެލިކަމުގައި ވިޔަސް އަހަންނާ ވާދަކުރެވޭވަރަށްވުރެ މާދުރުގައިވާބަޔަކަށްވީކަމެވެ.
އިންތިޚާބުން ކާމިޔާބު ހޯދުމަށްޓަކައި ކެމްޕެއިންކުރުމަށް ރަށަށް ގޮސް ރަށުގެ ރައިއްޔަތުންނާއި ކުރިމަތިލުންވީ ފުދޭވަރެއްގެ ދަތި އުނދަގޫ ކަމަކަށެވެ. އެހެންކަމުން މައިންބަފައިންގެ ރައްޓިހި ބައެއްމީހުންނާއި މިކަމަށް ހިތްވަރުދިން ސަރުކާރުގެ ބައެއް ބޭފުޅުން ކެމްޕެއިން ކުރަން އޭޖެންޓުންގެ ގޮތުގައި ފޮނުވީމެވެ. އިންތިޚާބަށް ގިނަ ޢަދަދެއްގެ ފައިސާވެސް ޚަރަދު ކުރީމެވެ. އަހަރެންގެ ރީތިކަމުގެ ޖާދޫގައި ގިނަ ބަޔަކު ޖެހޭނޭކަމުގެ ޔަޤީންކަން އޮތްލެއް ބޮޑުކަމުން ގިނަ ައަދަދެއްގެ ފޮޓޯއިން މުޅިރަށުގެ ފާރުތައް ފުރާލީމެވެ. މީހުން އަޑު އަހާހިތްވާ ފަދަ ފަށުއި ޢިބާރާތްތަކުން އެމުނި އެކުލެވިފައިވާ ހިތްގައިމު ސްޕީޗްތައް ރަށުގެ އެކި ހިސާބުތަކުގައި ހެދިފައިވާ ޖަގަހަތަކުގައި ދީ ހެދީމެވެ.
ވަރަށް ވާދަވެރި ކެމްޕެއިންތަކަކަށްފަހު އިންތިޚާބުގެ ނަތީޖާ އަޑުއިވިގެންދިޔައީ ޤަބޫލުކުރަންވެސް ދަތި ގޮތަކަށެވެ. ވާދަކުރި އަށް ކެނޑިޑޭޓުންގެ ލިސްޓުގެއެންމެ ފުލަށް އެންމެ ތިން ވޯޓު ލިބިގެން އަހަރެން ދިޔައިރު މި އިންތިޚާބު ކާމިޔާބުކުރީ ކުޑައިރު ރަށުގެ "ވަކަރުގޭ" ކުދިންގެ ތެރޭގައި ހިމެނުނު،މިހާރުގެ މަސްވެރިޔާ. އަހަރެންގެ ބޮޑުދައިތަގެދަރި އާދަނެވެ. އާދަނަކީ އެކުއްޖެެއްގެ ސަބަބުން އަހަރެންހަލާކުވެދާނެކަމަށް މަންމަ އެންމެ ބިރު ގަތް ކުއްޖާއެވެ.
ޙައިރާންވާންވީ ސަބަބެއް ނެތެވެ .ބޮޑުދައިތަގެ އެތިބަ ދިހަ ކުދީން ކުޑައިރު އެކުދީންގެ މައިންބަފައިންގެ ފަޤީރުކަމާއި ނިކަމެތިކަމުގެ ސަބަބުން މަގުމަތީގައި "އެބައުޅޭ މިބަަުޅޭ" ކުދީންގެ ގޮތުގައި އުޅުނުކަމުގައިވިޔަސް މިއަދު މުޅި ރަށުގެ ބާރު އޮތީ އެމީހުންގެ އަތްދަށުގައެވެ. މިއަދު އެމީހުންނަކީ އެތައް އޮޑި ދޮނިފަހަރަކާއި އެތައް ފިހާރައެއްގެ މިލްކުވެރީންނެވެ. ރަށުގެ އެންމެހައި ޒުވާނުންގެ އެކުވެރީންނެވެ. ވޭނާއި ކެކުޅުމުގައި ތިބި ނިކަމެތީންގެ އޯގާތެރި އެހީތެރީންނެވެ. އަޅާލާނެ ވާލެއް ޔާރެއްނެތް އެތައް ޔަތީމަކާއި މިސްކީނެއްގެ މަދަދުޤާރުންނެވެ.އެތައް ކިޔަވާކުއްޖެއްގެ އަހުރަވެތި ބަލަދުވެރީންނެވެ. މުޅިރަށުގެ ރަޢިއްޔަތުންނަށް އުފާވެރިކަމާއި ތިޔާގިކަން ގެނެސްދޭ ޖަމްޢިއްޔާތަކުގެ ޒިންމާދާރު ވެރީންނެވެ. ރަށުގައި ހިމެނޭ އެތައް ޢާއިލާއެއްގެމަންމައެއް ނުވަތަ ބައްޕައެކެވެ. ފިރިއެއް ނުވަތަ އަންބެކެވެ.
އަހަރެންގެ ފަރާތުން މީހަކަށް އެހީތެރިކަމުގެ އަތެއް ދިއްކޮށްލެވިފައިނުވާ ތާނގައި ދެއްކިފައިވާހާވެސް އެއްޗަކީ ބޮޑާކަމާއި ކިބުރުވެރިކަމެވެ. ތިމާގެކުއްޖަކުވެސް ގެއަށް ވަދެއްޖެއްޔާވެސް މަންމަޔާއި ބައްޕަގެ އިތުރުން އަހަރެންވެސް ލޯ އަޅާލާފައި އެކުއްޖަކު ގެއިން ފޮނުވާލާ ހަނދާން މިއަދު ވެއެވެ.މާލޭގައި އުޅޭއިރު ރަށުގެ މީހަކު ފެނިއްޖެނަމަވެސް އަގައިން ނުބުނާންވެގެން އިސްދަށަށް ޖަހާލާ ހަނދާން މިއަދުވެއެވެ. އެއްފަހަރަކު ޗުއްޓީއެއްގައި ރަށަށް އައިސް އުޅުނުއިރު އަންހެން ކުއްޖަކު ވަރަށް ރީއްޗޭ ބުނެލުމުން ތިޔައީ އަހަރެމެންނާ އަރާ އަރަފޯދިގެންވާ ބައެއް ނޫންކަމަށް ބުނެ އެކުއްޖާ ލަދުގަންނަވާލި ހަނދާންވެސް އެބަހުއްޓެވެ. ބޮޑާކަމާއި ކިބުރުވެރި ކަމުގެ ނަތީޖާއެއްގެ ގޮތުން އަހަރެން ފެއިލްވެފައިވަނީ ހަމައެކަނި ރަޢިއްޔަތުންގެ މަޖުލިހުގެ އިންތިޚާބުގައި އެކަންޏެއް ނޫނެވެ. އެހެނިހެން ވަރަށް ގިނަ އިންތިޚާބުގަޔާއި ކަންތައްތަކުގައިވެސްމެއެވެ.ވަރަށް ގިނަ އެތައް ސަބަބަކާ ހުރެ މުޅި ސިޔާސީ ޙަޔާތުގައިވެސް "ފޮނި"ކަމުގެ ލަޤަބު ލިބިފައިވާ އަހަރެންގެ ހުޅުކޮޅުވެސް ވަނީ ނިވިފައެވެ.
ސިޔާސީ ޙަޔާތް ފެއިލްވެގެން ދިޔަ މި ދަނޑިވަޅުގައި ދިރި އުޅުމުގެ ޙަޔާތްވެސް މިވަނީ ފެއިލްވެގޮސްފައެވެ. ކައިވެންޏަށް ދިހަ އަހަރު ފާއިތުވެ ދިޔަ އިރު ދަރިއެއް ލިބިފައި ނުވާ ތާނގައި ބޭރުން ގެނައި އަނބިމީހާ ވަނީ މަކަރާއި ޙީލަތުން، ލިބުނުހައި ފައިސާއެއއްވެސް ހިފައިގެން ފިލައި ގޮސްފައެވެ. މުސްކުޅިވެ ގައިގެ ބާރު ދެރަވެ، ބަލި އެނދުގައި އެނދުމަތިވެފައިވާ މަންމަޔާއި ބައްޕަ ތިބީ އެމީހުން ބަލަން ޙަވާލުކުރެވުނު "ބަންގާޅީ" އެއްގެ އަނިޔާވެރިކަމުގެ ދަށުގައި ލޮލުން ކަރުނަ އަޅާލައަޅާލައެވެ.މާލޭގައި ކުއްޔަށް ހިފައިގެން އުޅޭ ކޮޓަރިގަނޑުގައި އެކަނި މާއެކަނި އުޅޭ އިރު ޙާލާމެދު ދެރަވެ ލަދުގަނެއެވެ.ލިބުނު ތަޢުލީމާއި އިއްޒަތާއި ޤަދަރުވެރިކަމުން ލިބުނު އުފަލަކީ ކޮބައިބާއޭ ހިތަށް އަރައެވެ.
ޝައްކެއް ނެތެވެ. މާތް ﷲ ތަޢާލާ، އެކަމަކުން މީހަކަށް ދުނިޔެއާއި އާޚިރަތުގައިވެސް ގެއްލުން ނުލިބޭ އެއްވެސް ކަމެއް ނުކުރުމަށް އެކަލާނގެ އަޅުތަކުންގެ މައްޗަށް އަމުރުކުރައްވާފައި ނުވެއެވެ. ބޮޑާކަމާއި ކިބުރުވެރިކަމަކީ އެލާނގެ ވަރަށް ބޮޑަށް ނަޙީ ކުރައްވާފައި ވެއެވެ.

Sunday, January 15, 2012

Deforestation and Major causes.



Deforestation is damaging the earth forests by cutting down trees. Each year tropical forests are cut down in large scales. If the forests are cut down at this rate and is not limited the world’s rain forests will destroyed within 100 years. Deforestation leads to global warming and climate change and it also affects a majority of birds and animals that live in the rain forests. Animals and birds lose their natural habitat.
Forests are cut down for many reasons, but most of them are related to money or to people’s need to provide for their families. Agriculture is the main cause of deforestation. To make paper, timber is used, and for timber companies demands the logging of trees from the forests. For logging, companies are using heavy machinery to remove and cut trees and to build roads. Therefore many other canopy trees are damaged. A study in Indonesia fount that if 3% of trees were cut, logging operation damages the 49 % trees in the forest. Legal logging need to be tightly monitored to ensure it is done in a sustainable and environmentally friendly way.however Illegal logging must be stopped.
And also for heating people are used to burn wood in fireplaces although electric heaters are common nowadays. In some countries a huge mass of trees are cut down to produce wood. In addition to this, forests are cut down in order to create land for the grazing of cattle.
Deforestation is increasing day by day. For Urban and Construction purposes timber is used in a large scale. For the production of timber companies involves clear cutting. And also for the construction of houses timber is used widely around the world. Deficient environmental laws are some of the factors that allow deforestation to occur on a large scale.
In poor developing countries government allows people to log down trees to raise money for projects. Logging companies make huge profit from making timber, furniture’s, and by producing paper. Later they sell these items into developing countries. In poor countries, farmers cut more trees. For example, in Brazil forests were razed by farmers.
Forest fire can can damage forest , naturally this can occur or human activities .The need of land for agriculture, industrial and living purposes is an ever-increasing pressure on wild areas and forests and a major contributor to deforestation.
 
Design by މުޙައްމަދު އައްޔޫބް